Det var laurdag 7. juli Ramford Vangard informerte Vestfisk om at dei skulle skyte 3D-seismikk (mykje kraftigare enn 2D-seismikk) i området. Skipper Geir Borgundvåg på Vestfisk protesterte både til den fiskerikyndige om bord i seismikkfartyet og til Kystvakta. Via den fiskerikyndige om bord fekk Borgundvåg vite at skytinga ville starte med ein avstand på seks nautiske mil til fiskeriaktiviteten. Borgundvåg blei bedt om å godta dette, noko han ikkje gjorde.

Etter ein dag med seismikkskyting gjekk fisket ned med 30-50%, og Vestfisk såg ikkje anna utveg enn å forlate det beste fiskefeltet og flytte nordover.

Fiskebåt har tatt opp saka skriftleg med Oljedirektoratet, og skriv at saka kan bli meldt til politiet på vegne av farty og reiarlag. Fiskebåt stiller seg sterkt tvilande til om Ramford Vanguard i dette tilfellet heldt seg til gjeldande lover og reglar.

Fiskebåt stiller to konkrete spørsmål til Oljedirektoratet:

-Skal ikkje seismisk aktivitet stansast eller ikkje settast i gang, dersom det enten går føre seg eller kjem i gang aktivt fiske i innsamlingsområdet?
-Skal ikkje seismisk farty vike for fiskefarty med reiskap i sjøen , eller som i dette tilfellet fastståande reiskap som vil bli øydelagt saman med fangst?