Felles innspel om natur og forsking på havvind

Fiskebåt har saman med åtte andre organisasjonar sendt eit innspel til regjeringa om innhenting av kunnskap i samband med havvindutbygging.

Kunnskap om effektar på naturen er nøkkelen viss regjeringa skal lykkast i si havvindsatsing. Og det hastar, skriv Fiskebåt og åtte andre organisasjonar i eit innspel til regjeringa.

Organisasjonane bak brevet er i tillegg til Fiskebåt, DNV, Fornybar Norge, Havforskingsinstituttet, Norges Fiskarlag, Offshore Norge, WWF, NIVA og Akvaplan-niva.

I brevet blir det vist til regjeringa sitt mål om å installere 30 GW havvind innan 2040.

- For at utbygginga skal kunne skje på ein trygg og tillitsvekkande måte, hastar det med å hente inn kunnskap, og utvikle løysingar for å redusere konsekvensane for natur og miljø og viktige kommersielle bestandar, skriv organisasjonane i brevet.

Her kan du lese heile brevet frå organisasjonane.

‍